صوص الرانش:مطبخ النخبة

 

                                  اسهل طريقة عمل صوص الرانش مع مطبخ النخبة 

المقدير : 

1– ¾ كوباية زبادي.

2– 1 فص ثوم مفروم.

3– 1 معلقة صغيرة ثوم بودر.

4– ¼ كوباية بقدونس طازة مفروم, او 1 معلقة صغيرة بقدونس مجفف.

5– ½ بصلة متوسطة متقطعة مكعبات “حوالي 2 معلقة كبيرة”, او 2 معلقة كبيرة بصل بودر.

6– 2 معلقة كبيرة كرات طازة مفروم, او 1 معلقة كبيرة كرات مجفف.

7– 1 معلقة صغيرة ملح.

8– ¼ معلقة صغيرة فلفل اسود.

9– 2 معلقة صغيرة مسطردة “خردل”.

10– عصير ½ ليمونة “حوالي 2 معلقة كبيرة”.

11– من ¼ – ½ كوباية لبن رايب.

طريقة التحضير  

اخلطي المكونات كلها مع بعض في برطمان محكم الغلق, واقفليه ورجيه كويس عشان تمزجي كل المكونات مع بعض, او ممكن تحطي المكونات كلها في الكبة او الخلاط  وتضربيهم مع بعض.

وكده يكون الصوص جاهز احفظيه في التلاجة وسيبيه 30 دقيقة على الاقل, والافضل يكون ساعتين قبل ما تستخدميه على السلطة, بعدها حطي منه على طبق السلطة بتاعك, واحفظي الباقي في التلاجة.

ولو انتي عايزة الصوص يكون سميك يبقى اكتفي ب ¼ كوباية بس من اللبن الرايب, ولو عايزاه خفيف زودي كمية اللبن الرايب حسب السمك او القوام اللي انتي عايزاه.

ضروري حفظ الصوص في ازازة او برطمان محكم الغلق, والكمية دي هتقعد معاكي تقريبا لحد اسبوع في التلاجة. 

بالف هناء عليكم